|
|
|
|
Ötən günlərdə İranın molla rejimi yenə güneyli hərəkatçılara divan tutub: müxtəlif bölgələrdən olan hərəkatçılar tutuqlanıb, işgəncələrə məruz qalıb. GAMOH-un Bakı ofisinin rəhbəri Ağrı Qaradağlı Güneydəki son hadisələrlə bağlı qəzetimizə açıqlama verib.
Yazıçı, tanınmış Güney Azərbaycan siyasi fəalı Əkbər Azad may ayının 25-i günorta saatlarında Tehranda öz şəxsi evində rejimin təhlükəsizlik qüvvələri tərəfindən yaxalanaraq, ünvanı bilinməyən yerə aparılıb.
Öyrənci hərəkatının fəal üzvü və Milli Hərəkatın gənc liderlərindən olan Aydın Xacei 10 günə yaxındır ki, qanunsuz olaraq saxlanılır və durumundan xəbər yoxdur. Əmniyyət qüvvələri bu hərəkatçının necə və nə üçün saxlandığı barədə heç bir söz demək istəmirlər. Onun məhkəmə işinə baxan Hakim Haşımzadə sadəcə bildirib ki, Xacəi əmniyyət məsələləri üçün saxlanılıb. Hakim ittihamlar barədə heç bir söz deməyib.
Urmu şəhərinin milli-mədəni fəallarından olan Ə. Əbdullahi hökumətin təhlükəsizlik xidmətinin yerli bölməsinin məmurları tərəfindən saxlanılıb.
Onun hara aparıldığı və hansı ittihamla həbs olunduğu barədə heç bir məlumat almaq mümkün olmayıb.
Mayın 25-də Təbrizin və Tehranın futbol komandaları arasında görüş keçirilib.
Tehran şəhərində Təbrizin “Fulad Qostər” ilə Tehranın “Piruzi” futbol komandaları üz-üzə gəlib.
Görüşdə Təbriz komandasını dəstəkləmək üçün Azərbaycanın müxtəlif şəhərlərindən, özəlliklə Təbrizdən minlərlə insan Tehrana axışıb.
Oyun əsnasında Azərbaycan türklərinə qarşı təhqiredici ifadələr işlədilib, hakim oyunu birtərəfli qaydada idarə edib, Təbriz komandasının qapıçısı oyundan qovulub.
Oyundan sonra stadionu tərk edən minlərlə azərbaycanlı tamaşaçı milli şüarlar səsləndirib, milli haqların təmin edilməsini əks etdirən plakatlar qaldırıblar.
Azərbaycanlı Qadın Hərəkatı fəalı həbs olunub
Güney Azərbaycan Qadın Hərəkatı fəallarından olan Həmidə Fərəczadə (Pinar) mayın 26-da hökumətin təhlükəsizlik xidmətinin əməkdaşları tərəfindən həbs edilib.
Yaxınlarına onun həbs olunma səbəbləri haqda bilgi verilməsə də, H. Fərəczadənin qadın hərəkatında və mədəni zəmindəki fəaliyyətlərinə görə həbs olunduğu güman edilir.
Bununla da, son həftələrdə həbs olunan azərbaycanlı fəalların sayı 23-ə çatıb.
|
|
|
|
قایناق : |
|
|
|
|
|
0
بوخبرین یوروم سایی
Ω
0
اونای سیز یوروملار
|
|
|
|
|
|
|
|
)
