|
چوخ سایغیلی و عزیز باشقانیمیز!
کئچمیش عصرین سونلاریندان گونئی آذربایجان میللی اویانیش حرکاتی بشر حاقلاری ، دئموکراسی و اولوسلارآراسی پیرینسیپلره دایاناراق، گونئی آذربایجان اولوسونو میللتلر دوستاغی اولان ایران آدلی اؤلکه نین فارس شووونیزمینین آچیق و گیزلین سومورگهچیلیییندن قورتارماغا و اؤز میللی موقددراتینی بلیرله مه حاققینا وارماغا، مودئرن شکیلده موباریزه یه باشلامیشدیر.
میللی قورتولوش موباریزه میزده اولوسوموزون اسارتینه و یوردوموزون ایشغالینا سون قویماغا جان آتان میللتچی لر و اؤزه للیک ایله گاموح چولار هر زامان بوتون سالدیریلارا و چتینلیک لره باخمایاراق میللی منفعت لریمیز اوغروندا سیزین سونسوزجاسینا ایناملی و اؤز وئریلی چالیشمالارینیزدان قاتقیلانیب و بو سوره ده گلیشیب و گلیشمکده دیر.
حؤرمتلی اؤندهریمیز!
15 ایل اؤنجه دن گونئی آذربایجاندا اولدوغونوز زامان قوتسال میللی قورتولوش یولوموزدا اؤرگوتله نمه پروسئسین گرکلییینی دویوب تورکچولوک، چاغداشلیق و اینانج اؤزگورلویو ایلکهلرینی داشییان گونئی آذربایجان میللی اویانیش حرکاتی نی یاراتمیشسینیز.
بو سورهجده میللی آماجلاریمیزین دوغرولتوسوندا اوستلهندیغینیز اولوسال و تاریخی باشقانلیق گؤره وینیزده بیر آن دایانمادان ، یورولمادان میللی اؤرگوتوموزو چئشیتلی و کیریتیک آشامالاردان ساغلاملیق ایله بو گونکو قونوم ومحتشم بیر دوروما چاتدیرمیشسینیز.
شرفلی گونئی آذربایجان تورک اولوسو!
عزیز میللتچی و گاموح چولار!
گاموح مرکزی کومیته سی اولاراق دوکتور چؤهرقانلی نین "آرتیق اؤرگوتله نمه ایله باغلی اوزریمده اولان گؤره وین سورمه سینی سیز عزیزلره تاپشیرماغین زامانیدیر " فیکیرلرینی دیرلندیریب و سایین چؤهره قانلی نین اؤرگوتسل ایشلرایله یوخ بلکی اؤرگوتلردن باغیمسیزچالیشماق زامانینین گلمه سینه اینانیریق.
شرف دولو لیدریمیز!
گاموح مرکزی کومیته سی اولاراق ایندییه دک اوستله ندیغینیز اؤرگوت باشقانلیغیندان هابئله اؤرگوت اویه لیغیندن ایستعفانیزی قبول ائدره ک ، اساسنامه یه دایاناراق گاموح یئتکیلی قورولتاییندا یئنی باشقانین سئچیلمه سینه دک باشقانا آیید بوتون یئتکیلری گاموح مرکزی کومیته سی اوزرینه گؤتوردویونو بیلدیریریک.
سونوندا اؤزوموزو جانلا-باشلا گونئی آذربایجان اولوسونون و میللی قورتولوش یولوموزون یوردرلری اولدوغوموزو وورغولایاراق قوتسال قورتولوش یولوموزدا بیر آن دایانمادان تاریخی " شرفلی میللتلر اؤز بایراغی آلتیندا یاشایار " سؤزونوزون گرچکلشمهسینه قدر گئری اوتورمایاجاغیمیزی میللتیمیزه و سیزه سؤز وئریریک.
" یاخین گله جک میللتیمیزین ایسته دیگی کیمی قورتولاجاغی و اؤزونه آیید میللی دئولتین قوراجاغی زامانیدیر. اولوسوموز آرخانیزدا و تانریمیز باشینیز اوسته اولاراق یاردیم ائدجکلریمیزدن امین اولا بیلرسینیز. "
گونئی آذربایجان میللی اویانیش حرکاتی - مرکزی کومیته
تبریز - 2010-06-02
|
)
