|
" اؤزگورلویونوز موبارک! "
یئنه توتوقلانما، یئنه قاندال، یئنه قارا تجریدلر و یئنه آزادلیق ایله اؤزگورلوک.
"وطن میللت ناموسودور" دئیه وطن یولوندا اوتورمادان دوردونوز و اوتورمادینیز، اوتورتماق ایسته سلرده قارداشلار.
توتوقلاندیغینیز قوتسال یولدا توتولوبسونوز، آزادلیغا اؤزونوز توتوقلانسازدا، سیزی توتوقلاییب قارا دئوین اؤلومجول اللری. جسارتینیزدن دیکسینن قارا دئوین قورخاق قارا دوشلری قورخودان تیتیره ک اللرایله قورخا-قورخا سیزی گولونج جه سینه قورخورتماغما دوروب دور یئنه، قانداللاییر، توتوقلاییر یئنه ده!
اسکی لر دؤنه لرجه بو گولونجه گولومسه لرینیزی یاخچی خاطیرلاییرام یولداشلار!
بوآنیمدا یئنی ده ن قورخولارا، هده لره و اینجیک لره گولومسه مک لرینیزه آرخایینام.
هه بئی لر!
بیلیره م!
اینامدان برکیییب یومروقلانان اللرینیزده کی قارا قانداللارا یونه لدیگی اوموت دولو درین باخیشلارینیزین آرخاسینداکی آنلامی
خاطیرلاییرام ؛
نئچه دونه باغلاناجاق سان؟! نه قدر برکییه جکسن؟! نئچه میزی باغلایاجاق سان؟!
اولسون! توت، باغلان، برکی، دؤنه-دؤنه….جوشقون روحوما نئجه چوکه جکسن؟!
بئینیمیزده کی لری! اوجالاردا اوچان فیکیر قوشلاریمی! فیکیر قوشلاریمین له لک لرین نه ائده جکسن؟! یئنی دوغولان و دوغولماقدا اولان یئنی اللری، بئیینلری، روح لاری، قوشلاری، یئنی فیکیرلری نه ائده جکسن قاندال؟! آزادلیغا اوزانان، یومروقلانان، بیرلشیب دنیزه دؤنن اللرده ن اوجالان دالغالاری نئجه قانداللایاجاقسان قاندال؟! نئجه؟!!! ...یوخ! قاراقاندال... یوخ! قارا دئو…..
دنیزی قانداللاماق اولماز؛ اوجالان داغلاری یئندیرمه ک!
یوموروق توتوب "ساواش آلنیمیزا یازیلیب" دئین تام وارلیغی ایله آزادلیق ساواشینا دوران اللری قاندال نئجه ساخلار؟!!!...خاطیرلاییرام…..
حاققین و حقیقتین یوکسک سئیرائدیجی لری!
ایلقاری، صداقتی، جسارتی سامباللاندیران باجی قارداشلاریم! بئجرتدیغینیز ساواش چی لارین دیش قیسینتی لاریندا، مفکوره دالغالاریندا و اوره ک قایغی لاریندا سینیز، سیزلرده ن اؤیره نیلن، آزادلیغین زیروه سینده سینیز.
آزادلیغین اؤلچوسوسونوز بئی لر. سیزینله بیچیلر آزادلیغین بویو، ده یرله نیر، ده رینله نیر، دیریلیر، دیره نیر، دینله نیر آزادلیق سیزده ن یولداشلار؛
آزادلیق سیزی دینله نیر.
تجریدلره، اسارته یوخ آزادلیغا توتساقلانیب سینیز، اؤزگورلویه…
اؤزگورسونوزبئی لر، اسارتله ساواشا دوردوغونوز گوندن یوخ، اسارته و ساواشا و اؤزگورلویه دوشوندوغونوزآندان اؤزگورسونوز. اسارتله ساواشینیزدادا اؤزگورسونوز، اسارتینیزده ده اؤزگورسونوز، اؤزگورسونوز...
ایلکینده ن اؤزگورسونوز، اؤزگورلویه ده اؤزگورسونوز، اؤزگورسونوز بئی لر….
"اؤزگورلویونوز موبارک" ***
« قوچاق اؤزگور»
|
)
