بوراسی گونئی آذربایجان!

باشکند، تبریز!

توتوقلامالار داوام ائدیر...

تانریلار توتوقلانیر،

دوستاقلار سرگی یه چئوریلیر..

    "تانریلار سرگیسی"

نئچه گونده بیر تانری

بیر گونده نئچه تانری

دوستاقلار سئوینیر،

دوستاقلار اوتانیر،

دوستاقلار چاشیر...

و دوستاقلیلار؛ یئرل تانریلار دئمک...

دوستاقلار باش اییر تانریلارا...

دوستاقلار اوتانیر...

دوستاقلارین دووارلاری کیچیلیر تانریلارین بؤیوکلویوندن

دوستاقلار چاشیر...

اؤزونو هر زامان کؤتو اینسانلارا حاضیرلایان دوستاق ، تانریلارین گؤروشوندن شاشقین قالیر

اؤزوندن اییره نیر...

تانریلار دوستاغا سیغماز، گؤرن بونلاری نئجه اؤزونده یئرلشدیره جک؟!

  "بیز یئر اوزونده کی تانریلاریق، بیزه یئنیلمک، سارسیلماق یاراشماز..." دییه رک ،

بونو اثباتلاماغا گئتدیلر تانریلار

و بو گون بیز قالدیق تانریلاشما سیراسیندا....

تانریلارلا کئچیردییمیز آنلاری واراقلایاراق،

تانریلارین یولونو دوشونه رک،

 تانریلارین اینامینی یامسیلایاراق